تعليقي

ردا عن كل من شرفني بتعليقه
انا حبيت اسكت لحد مااشوف عدد من التعليقات عشان اعبر عن رأي بوضوح
انا لسه مصممه ان كل النساء كائنات رقيقه واعني انهم كلهم بما فيهم من اقوياء او شبه نساء في الظاهر وانا بنت و عارفه ده كويس لاني اكيد عرفت انواع كتير من البنات و اكيد ان بين البنات مفيش تصنع يعني لا هاتتصنع الرقه ولا حتي القوه يعني من الاخر كل البنات جواها نفس الدرجه من الرقه ولكن ظروف الحياه و البيئه هي التي تحدد مقدار اظهار هذه الرقه
اما بقي عن تساءل بيقول ليه النساء فاكرين ان الرجال مش فاهمين ده فللاسف حتي لو فاهمين فهما بينسوا ده عند اول مشكله وبيكون التعامل حاد
في النهايه احب اقول ان المرأه عندما تأخذ القليل تعطي الكثير

نداء

يا رجال فكروا قبل ان تتعاملوا مع النساء فهن ارق الكائنات مهما تغيرت انواعهن و مهما تغير مظهرهن ومهما حاولوا ان يخبئن

و يتصنعن القوه فهن الارق دائما

و ابدا

فلا تخدعكم مظاهر المدنيه فيهن

فرفقا بالقوارير

ليه

ليه لما نكون نفسنا في حاجه قوي و طول الوقت بنحلم بيها لما تيجي مش بنحس بيها مش بنفرح بيها مش بنجري عليها

يمكن عشان بتتأخر علينا

???????????

حاجات كتير اتمنتها و كنت عارفه انها هاتكون مصدر سعاده ليا و بوجودها هاتتحول حياتي من حلم الي حقيقه

لكن الظاهر اني من كتر ما استنتها و تعبت في غيابها لما جت مش حاسه بلذتها بعكس ماكتير فاكرين ان الواحد لما يتعب في حاجه لما تيجي يفرح بيها قوي ويمكن يكون ده صح لكن التعب و الصبر له حدود

وياريت احلامنا تتحقق بشويه تعب مننا مش لازم نموت عشان تتحقق

الفرحه اصبحت صعبه قوي

لو كنت انا الريس

كنت .................. ياه كنت عملت حاجات كتير قوي

بس اول حاجه كنت عملتها هي اني الغي اللي بيحصل كل اول سنه ماليه انا اصلي مش عاجبني حكايه تقسيم الفلوس علي الوزارات بحجه تنفيذ الخطه و طبعا معظم الفلوس دي بتكون عشان خطه تانيه خالص و هي ملئ جيوب العاملين بالوزارات . يعني كنت مش هاادفع اي حاجه الا عند التنفيذ

و اليكم بنود الخطه الجديده

• اعاده رصف كل شوارع المحروسه
• دهان كل المباني بلون موحد
• ايقاف بث كل الاغاني و الافلام الاباحيه
• تدريس الدين في المدارس دراسه وافيه
• اعداد برامج دراسيه اجباريه للاباء والامهات عن قواعد التربيه
• الغاء التعذيب في السجون
• الغاء الجمله الشهيره الجاني مصاب بحاله نفسيه
• تحسين الرعايه الصحيه و اعاده تجهيز المستشفيات
• التشجيع علي الزواج و الاقلال من عوائقه
• تصحيح الافكار و العادات الخاطئه و توكيد الصالح منها
• فتح صندوق للاقتراحات في كل المجالات و عدم وضع حد للافكار

و علي كل من يقرأ هذه البنود الادلاء باقتراحاته

فلنفتح الصندوق

الجيش في بلدنا

الجيش في بلدنا مأساه كبيره لضياع الانتماء و الهدف والمعظم شايفه مضيعه للوقت و للتقدم في العمل وبصراحه انا كمان لان اذا كان الهدف منه الدفاع عن الوطن فأين الانتماء لهذا الوطن الكل بيسافر او بمعني اصح عايز يسافر و مستني اي فرصه و لو في ناس عايزه تعيش في بلدنا للأسف بيتعبوا قوي وبيحملوا البلد الذنب في تعبهم

و لكن

الذنب مش ذنب البلد الذنب ذنب اللي في البلد

انا طبعا مااقصدش بكلامي اننا نلغي الجيش بس ايه رأيكوا نخليه هدف بدلا من شبح و الموضوع سهل ويحدث فعلا في بعض البلاد وهو ان يكون في مرتب شهري مرتب بجد مش ملاليم عشان اللي عايز يتجوز يتجوز واللي عايز يحوش يحوش وما يبقاش مجرد تأديه عقوبه بدون ذنب وساعتها يمكن الناس تزعل لو مادخلتش الجيش

الأستاذه هاله سرحان و عمايلها

كنت في يوم بتفرج علي برنامجها عادي وطبعا مش لأنه مهم و لكن لمجرد التسليه بمشاهده تفاهات الحياه وفجأه

الكاميرا جابت شويه بنات بصراحه لابسين قطع بسيطه و اولاد عاملين حاجات غريبه و شاورت و قالت0000 هو ده بقي الشباب

المصري 000000000 بصراحه انا صوعقت و بصيت لنفسي في المرايا و افتكرت شكل اصحابي و اخلاقهم و قلت ازاي طيب

ما احنا مش كده و معظم البنات محجبات او محتشمات و رجالتنا رجاله بجد و تعبانين و طالع عينهم يبقي ازاي تقول كده وليه

الهوجه اللي حصلت ما تناولتش الموضوع ده افتكر ده اهم بكتير لأنها كده بتشوه صوره الشباب المصري امام عالم بحاله وبجد

الشباب مايستاهلش كده0