ليه
ليه لما نكون نفسنا في حاجه قوي و طول الوقت بنحلم بيها لما تيجي مش بنحس بيها مش بنفرح بيها مش بنجري عليها
يمكن عشان بتتأخر علينا
???????????
حاجات كتير اتمنتها و كنت عارفه انها هاتكون مصدر سعاده ليا و بوجودها هاتتحول حياتي من حلم الي حقيقه
لكن الظاهر اني من كتر ما استنتها و تعبت في غيابها لما جت مش حاسه بلذتها بعكس ماكتير فاكرين ان الواحد لما يتعب في حاجه لما تيجي يفرح بيها قوي ويمكن يكون ده صح لكن التعب و الصبر له حدود
وياريت احلامنا تتحقق بشويه تعب مننا مش لازم نموت عشان تتحقق
الفرحه اصبحت صعبه قوي
posted by دوللي @ 4:52 AM
25 Comments:
تحقيق الأحلام وتوقيته بيد الله ولا يحق لنا الأعتراض
أنطفاء الأحساس حال تحقيق الحلم يرجع لأعطائه اكثر من قدره
انا متفقه واويد بشده راى محمد عبد الغفار..... احساسك بان الحاجه مصدر السعاده ليكى بيبقى غلط لان السعاده مالهاش مصدر واحد و بس
تحياتى
يمكن مش علشان كدةوبس
ممكن كمان علشان ن أن الحاجه لما اتحققت ماكانتش زي ما أحناكنا فاكرهنا أو أحنا اتغيرن ومابقتش تهمنا للدرجه ديه!!!!
محمد عبد الغفار
يمكن يامحمد يكون ده السبب في بعض الاشياء بس اكيد في حاجات تانيه بتكون مهمه اصلا و مش هو ده السبب ليها
تحياتي
سهر الليالي
انا مااقصدش بكلامي حاجه واحده او موقف واحد انا اتكلمت في الموضوع ده لانه حصل كذا مره وفي حاجات هي فعلا مصدر سعاده بالنسبه لشخصيتي
تحياتي
sabrina
اهلا بيكي دي اول مره تشرفيني
رأيك صح في حاجات كتير فعلا اوقات الحاجه بيكون فات اوانها وبنكون احنا اتغيرنا
او يمكن السبب هو تغيير الطريقه اللي جت بيها الحاجه اللي حلمنا بيها
تحياتي
بصي يا دوللي ، في حاجات كتير الواحد بيتمناها ويرسملها صوره حالمه تكاد تكون اسطوريه في خياله ، ويفضل عايش علي الصوره اللي رسمهالها في خياله ، وكل ما بيمر الوقت بتزيد حاجة الإنسان للشئ ده و في نفس الوقت بتزيد احلامه وخيالاته وبتكبر الصوره الاسطوريه الل رسمهالها في مخيلته ، يمكن علشان كده لما فعلا الواحد بيحصل علي مراده بيحس احيانا بالفتور ، احيانا احيانا بالدهشه ، واحيانا اخري بالصدمه: هو ده اللي كنت بحلم بيه!!!
علشان كده خلي دايما توقعاتك بسيطه واحلامك كأحلام العصافير ، يمكن ده اذا ماساعدكيش علي الفرحه بما حصلتي عليه ، علي الاقل يجنبك الشعور بالإحباط في النهايه
وافتكري دايما يا دوللي ان مفتاح سعادتك بين ايديكي ، انت بس
kimooo2000
في الاول عايزه اطلب منك طلب ممكن تغير اسمك لانه صعب قوي وبضطر اكتب اسم ايميلك
المهم انا بجد بشكرك علي رأيك لاني بجد حسيته قوي وهاحاول اعمل بيه بجد
اشكرك قوي
فعلا احنا بنتمنى حاجات ولما ما بتحصلش او نتائجها تكون غير ما توقعنا بنزعل
لكن الخيرة دايما فيما اختاره الله لنا
خليكى عارفة كدة يا دوللى
ya Ostaza Dolly ;)
How can change my name, my identity, it's symbolic.. I know it might seem without any sense, but it has an important meaning for me
Anyway, ana esmy Karim, u can use this one, which is much simpler
I'm glad you've liked my comment & ur visiting my blog
Hope to hear often from you
ciao ciao
دى قاعدة عامة الممنوع مرغوب والانسان دايماً فى بحث دائم عن الشئ الى بينقصه ولما يلقيه يدور على غيره ودوخينى يالمونة الناجى الوحيد من الموضوع ده هوا الى عنده رضا وقناعة وزى مبيقولوا القناعه كنز لا يفنى واجرى يابن ادم جرى الوحوش عن رزقق لن تحوش وكل شئ بنحصل عليه فى حياتنا هوا رزق الناس فاكرة انها هيا الى بتطلب الرزق وده غلط (يطلبك رزقك كما يطلبك اجلك)طولت عليكى بس موضوع البوست مهم .......سلام
عندك حق في الي بتقوليه
فعلا سعات بنفضل نحلم بحاجه بس بيتهيألي لو جت هنكون
اسعد ناس خصوصا لو كنا بنتمناها
من زمان
انا فيه فعلا حاجه
كنت بتمني انها تحصل
وكنت هكون اسعد مخلوقه علي وش الارض لو الحاجه دي بقت في ايدي
متعرفيش كنت عملت ايه
والحمد لله مجاتش وزعلت برضه
الحمد لله
والله قلبتي عليا المواجع يا دولي
على فكرة يا دوللي كويس قوي انها بتتحق ليكي الحمد لله في الأخر
انا بقى في حاجات كتير بتمناها ولكن للأسف ممكن ماتتحققش خالص
مانكرش ان الحمد لله رب العالمين ربنا كرمني ووفقني وحقق لي نعم كتير جدا
بس هو دة طمع الانسان لازم يبص للي مش معاه دلوقتي ولو اتحقق له الحاجات دي تلاقيه بيحلم بحاجات تانية مش في ايده برضة
تحياتي
أنا كتيير بحس الاحساس ده خصوصا ان اغلب اللي بتمناه عمره ما بيحصل و لا بشوفه بس برجع في النهايه و أقول الحمد لله ..ألواحد أحسن من غيره في حاجات كتيير و الكمال لله وحده
تحياتي لكي و تمنياتي بالسعاده
انتظار الاشياء من اسوء الاوقات في الحياة خصوصا اذا كان حلم يعتمد علي ظرف خارجي غير مرتبط بجهد تبذله
بس في النهايه بنقول السعاده عمرها ما كانت بتيجي من اسباب خارجيه السعاده الحقيقه تنبع من الروح
تحياتي
..
بس الحياة لاتمشى على وتيرة واحدة .. والانسان لازم يكون عندة امل فى غد افضل وجميل.. تتحق فية كل احلامة او بعضها
المهم لانفقد الامل عشان نقدر نعيش ونكمل .. مشوار الحياة
تحياتى
السبب لانها جات خلاص وبقت فى ايدنا
فعلا
الاحساس ده أنا حسيته جدا وعارفاه جدا
ووقت ما حسيته كنت مستغربة نفسي أوي وبقول يا ترى ليه
ولما فكرت كويس لقيت إن الموضوع إني كنت بفكر في الحلم ده أوي ومكرسة كل حياتي وأفكاري لنفس الحلم الأوحد ودي كانت المشكلة
شوفي انا مقتنع ان الامل مصدر السعادة فلو الامل انتهى السعادة قطعا لازم تتنتهى
مش مسألة اننا مبنحسش بالفرحه لأ
المسألة أننا بنخاف نفرح أو بنخاف تحلم لحلمنا ينقلب كابوس
regards
ايوة صح
انا كده برضه
هاي انا اول مرة ادخل علي مدونتك اسمحيالي اهنيكي علي البمدونة الجميلة دي
بجد انتي حد رائع و اتمني اننا نكون اصدقاء
فاروق الجمل صحفي
اولا احب اهنييكي عزيزتي علي مدونتك الجميله و الجديده في افكارها
انتي عارفه؟انا مريت بالحكايه دي كتير
كتير كنت بحلم و اقعد مع نفسي اول لو حصل كذا و كذا حكون مبسوطه و افضل استني اللي نفسي فيه يحصل يتحقق و تطول الغيبه و اذ فجاءه يحصل فكتير مش بحس بفرحه و اقعد اقول لنفسي مش ده اللي كنت عايزاه مش ده اللي كان نفسي فيه
زي ماحد هنا قال جايز اللي كنا نفسنا فيه طلع لما اتحقق مش هو ده اللي في دماغنا ساعات كتيره اللي جوه الحدث بيختلف رد فعله عن لما يكون بره الحدث
بس اكيد الفرحه بقت شئ صعب المنال يمكن كمان عشان ماعدناش بنقتنع بحاجات كتيره فبتهئيلي القناعه بقيت مفقوده عندنا في اوقات كتيره فلما بيكون نفسنا في حاجه و نحصل عليها بعد عناء بتفقد معناها احنا عايزي كل حاجه بسرعه بسرعه انا كده لما مشبلاقي نتايج بسرعه بسرعه ببتدي افقد حماسي و الدنيا مش كده الدنيا عايزه صبر
بتمني ليكي عزيزتي التوفيق و اشكرك علي اتاحه الفرصه ليا للتعبير عن رأيي
تحياتي ليكي
دوللى
الموضوع ده بيحصل لأن الواحد بيبقى مدى الحلم اكتر من حجمه ده من ناحية و من ناحية تانية ان الحاجة بتبقى عزيزة اوى فى عنينا لما تكون بعيدة عن ادينا و لما بتبقى ملك ادينا مبتملاش عنينا
حاجة كمان احب اقولها ليكى.الرضا و القناعة بيخلوا من الحاجة الصغيرة اللى حصلنا عليها حاجة كبيرة اوى جوانا و يخلونا نحس بقيمة اللى معانا و اللى قدرنا نحققه
تحياتى
تاكدى دايما ان الله يختار لكى الاصلح والافضل وان امتلاك الشى يفقده بريقه ولمعانه
زورتينى مره واحده وماتكررتش ليه يا ترى :)
تحياتى
Post a Comment
Subscribe to Post Comments [Atom]
<< Home