لو كنت انا الريس
كنت .................. ياه كنت عملت حاجات كتير قوي
بس اول حاجه كنت عملتها هي اني الغي اللي بيحصل كل اول سنه ماليه انا اصلي مش عاجبني حكايه تقسيم الفلوس علي الوزارات بحجه تنفيذ الخطه و طبعا معظم الفلوس دي بتكون عشان خطه تانيه خالص و هي ملئ جيوب العاملين بالوزارات . يعني كنت مش هاادفع اي حاجه الا عند التنفيذ
و اليكم بنود الخطه الجديده
- اعاده رصف كل شوارع المحروسه
- دهان كل المباني بلون موحد
- ايقاف بث كل الاغاني و الافلام الاباحيه
- تدريس الدين في المدارس دراسه وافيه
- اعداد برامج دراسيه اجباريه للاباء والامهات عن قواعد التربيه
- الغاء التعذيب في السجون
- الغاء الجمله الشهيره الجاني مصاب بحاله نفسيه
- تحسين الرعايه الصحيه و اعاده تجهيز المستشفيات
- التشجيع علي الزواج و الاقلال من عوائقه
- تصحيح الافكار و العادات الخاطئه و توكيد الصالح منها
- فتح صندوق للاقتراحات في كل المجالات و عدم وضع حد للافكار
و علي كل من يقرأ هذه البنود الادلاء باقتراحاته
فلنفتح الصندوق
posted by دوللي @ 7:49 AM
62 Comments:
هييييييييي...أنا أول كومنت
جميله أوي فكرة البوست ده...أنا يا ستس موافق علي كل بنود البرنامج بتاعك و أحب أضيف لهم نقطه مهمه و هي العمل اولا و أخيرا علي الحفاظ علي كرامه و حرمة المواطن المصري في اي مكان و زمان...يعني مثلا انزال اشد العقاب بمرتكبي الحوادث من عينه مسرح الثقافه و العبارة و قطار الصعيد و صرف تعويضات محترمه جدا لاهالي الضحايا و العمل علي استرداد و لو أبسط جزء من حقوق أسرانا في 1967 حتي و لو وصل الامر لعداء مع امريكا و طبعا قطع العلاقات مع اسرائيل اذ لم تستجب لمطالبنا العادله
تحياتي لكي
هيييييييييه انت اول كومنت
انا بوافقك علي اقتراحاتك لاني انا كمان زعلانه من اللي بيحصل من حوادث مأساويه وللاسف مفيش حد بيتعاقب
تحياتي
دانا علي كده اول من هيديكي صوته .. بس المهم توصلي عشان في الغالب اللي بيفكر يبقي الريس بيوح ورا الشمس
شوفتي المناصرين بتوعك بيشجعوكي ازاي
:p
الأقتراح اننا نبطل احلام من النوع ده
عشان لا هتتحقق ولا لو اعدنا على الكرسى هنعمل كده
ربنا يرحمنا ويعصمنا من الفتنه
ما بلاش احلام البلد الايام دي فيها قلق خلاص قبضوا علي الاخوان و كفايه و الخطوه الجايه هيلفوا مصر بسور علي الحدود ويكتبوا عليه السجن المركزي
:)
تحياتي للاحلام
مش عندي اي اقتراحات لاني مش ليا احلام سلطويه
عاوز الستر في الدنيا و الاخرة وشكرا علي كده
كلامك جميل يا دولي واتمني كتابة الكثير من المموضوعات عمرو
mina
انت كده هاتكون اول صوت لي بس اوعي ترجع في كلامك لما يضغطوا عليك بهدايا و لا حاجه وادعيلي بقي اوصل قبل مايطلعولي قضيه من تحت الارض
تحياتي
:)
محمد عبد الغفار
ايه يامحمد انت مش عايزنا حتي نحلم ايه ماسمعتش اغنيه لو بطلنا نحلم نموت
تحياتي و اهلا بيك
عبد الله
والله عندك حق و ربنا يستر و نلحق نأخد افراج او اعدام حتي قبل الموضوع ما يتضهور اكتر ويبقي سجن مركزي
:):):)
الدبور
المشكله ان الستر هو الحلم يا دبور
تحياتي و ادعيلك بالستر
عمرو
اهلا بيك ياعمرو شرفت المدونه
و تابعني
:)
جميلة افكارك يا دوللي
وانا متفقه معاها وكمان عايزين نحسن احوال الموظفين ونمنع المحسوبية والرشاوي والفساد واصدار عقوبات صارمة لجرائم السرقة والنهب والاغتصاب
كمان عايزين نساعد الشباب على الجواز وكل شاب يتخرج نوفر لة وظيفة محترمة تتناسب مع مؤهلاتة
وزي ما قال مايكل
قطع العلاقات مع الكيان الصهيوني اذا لم يستجب لحقوقنا المشروعه
تحياتي لك
تحياتي ليكي ولأحلامك
بس أنا معتقدش إن اللي قاعد ع الكرسي هو اللي يقدر يعدل حال البلد ويخرجها من اللي وصلتله
هو يقدر يخربها لكن يعدلها دي صعبة
التغيير لازم ييجي من عقول الناس
تحياتي
الزعيمه
اهلا بيكي يازعيمه دي اول مره تزوريني و ان شاء الله مش هاتكون الاخيره
انا معاكي في اقتراحاتك و فعلا كنت هااكتب من ضمن الاقتراحات فرض عقوبات و الغاء المحسوبيه و الرشاوي بس فكرت تاني و قلت لو اتعلمنا الدين صح هاتنتهي الحاجات دي بس علي العموم انا اول ماهاكون الريس هاعمل بنصيحتك تحياتي
:)
the alien
عندك حق فعلا اكبر جزء في المشكله هو احنا بسبب سلبيتنا
المدونه نورت
لا انتي كده نسيتي اول حاجة
تغيير الدستور
ونخلي فترات الرياسة
فترتين بس
علشان انتي تخلصي وانا اجي بعدك
ولا هاتقعدي خمسة وعشرين سنة برضو
amr ahmed
اهلا بيك
ولا تزعل ياسيدي انا هااخليك النائب بتاعي وكده اول ماالفترتين يخلصوا انت هاتكون المرشح الاول للرئاسه
تمام
تحياتي
:):):)
انتي نسيتي اطفال الشوارع و المشردين ده غير العشوائيات
ده غير اني عندي اعتراض على ترتيب الاولويات
و مع ذلك انتي كده احسن ما هتكوني رئيس دمك اخف و على طبيعتك اكتر
اصل السلطة بتغير
ده غير ان المحروسة بالسين مش بالصاد و مينفعش الريس ميكونش بيعرف الحاجات دي يا فندم
كنت هأغير قانون الأحوال الشخصية
تانى
بفتوى تمنع تعددج الزوجات الا بعد الحصول على موافقة المفتى شخصيا
تحية من قلب مجروح
توته
حاضر يافندم سوف ننظر في كل ملاحظاتك
الكلام بدون اولويه لانه كله هايتنفذ
ان شاء الله
وبكره تشوفوا اني مش هااتغير
ملحوظه : كل اللي مسكوا السلطه كانوا اصلا وحشين مش اتغيروا بعدها يعني السلطه بريئه منهم
تحياتي يا توته
:)
ياسمين
اوعدك اني سوف اضع قيود علي تعداد الزوجات وعلي اسس دينيه بمعني اصح هانفذ شروط الدين في الموضوع
لو كنت انا الريس
كنت قدمتى استقالتى فورا
Hello!
This work is very good. Thank you.
I dont speak Arabic. We can make words with letters and with the words we can make sentences.
I love Arabic culture.
فكرة حلوة دوللى
انا بقى هكون الريس
بس عايز منكم وضع جميع المقترحات التى ترون فيها المصلحة العامة
وبعد ان اتولى الحكم سيتم التنفيذ لها بكل دقة ونزاهة
حرية بقى
والنبى يادولى متنسيش اهم حاجه لو بقيتى رئيسة انك تجوزى الشباب وانا اول واحد هينتخبك
كنت حاربت اسرائيل .. يكن نرجع لنقطة الصفر ساعتها .. لكن رجوعنا لنقطة الصفر مع انعدامهم تعنى صعودنا بقوة
raspoutine
ليه بس ؟
david
thanks david for your comment & i hope see your comments again
tamer
اهلا بيك علي عرش الحكم يا ريس
الارموطي
طبعا مش هانسي ده من ضمن الخطه الاساسيه بس ياريت تقوللي مشاكلك مع الجواز ايه بالظبط عشان احلها كلها ليك و لشعبي العزيز
sharm
والله عندك حق ياشارم بس انا مش هااعمل كده في فتره رئاستي اصلي بصراحه بخاف قوي من صوت الحرب علي العموم ابقي اعمل كده انت في فتره رئاستك
سورى يا دوللى انت كده بتلعبى فى عمرك
بصى بقى انت بالحال دا عمرهم ما هيخلوكى الريس
الريس دا ليه مواصفات خاصه اولها لاازم ما يكونش عنده ضمير
تانى انه ما يخدش باله من الطرق والمبانى والحاجات الهايفه دى وان خد باله يعمل نفسه مش شايف او محدش قاله
وبرده خدى بالك انتى بالطريقه عمرك ما هتغتنى ولا هتكوشى على الدنيا هتفضل فقيره ولا تروحى مارقايا ولا مارينا ولا يكون عندك شاليه ولا 10 عربيات ولا فيلتين تالته كده يعنى
ركزى يا بنتى وارجعلى فى كلامك
سورى يا دوللى انت كده بتلعبى فى عداد عمرك
بصى بقى انت بالحال دا عمرهم ما هيخلوكى الريس
الريس دا ليه مواصفات خاصه اولها لاازم ما يكونش عنده ضمير
تانى انه ما يخدش باله من الطرق والمبانى والحاجات الهايفه دى وان خد باله يعمل نفسه مش شايف او محدش قاله
وبرده خدى بالك انتى بالطريقه عمرك ما هتغتنى ولا هتكوشى على الدنيا هتفضل فقيره ولا تروحى مارقايا ولا مارينا ولا يكون عندك شاليه ولا 10 عربيات ولا فيلتين تالته كده يعنى
ركزى يا بنتى وارجعلى فى كلامك
ازيك يا دوللي اخبارك ايه ؟
عدنا بحمد لله
انت لسه برضو في بوست الحلم ده
فين البوست الجديد منتظرة علشان ادخل اكتب اول كومنت
تحياتي
الدبور
Hi Dear,
This is simply an invitation to visit my blog & read the translation of the rapport issued by the Italian National Institute about the violence on women in Italy, 2006.
http://chiccopolis.blogspot.com/
Really interesting
ازيك دوللى
اخبارك اية
فين البوست الجديد
تحياتى
انزلي انت بس الانتخابات وانا هروح انتخبك يابنتي.
مش كفايه
sendrlla
والله يا سندريللا عندك حق وفعلا كده مش هااعرف اجيب المرسيدس بسسسسسسسسسسسس انا عايزه يبقي ليا قصه زي سندريلا الناس تفتكرها و تحكيها علي مر العصور و تقول دي كانت رئيسه و لا في الاحلام
تحياتي
:)
:)
الدبور
حمدالله علي السلامه كنت فين ياراجل كده برضوا تمشي و تسيبنا من غير دبور
تامر
الحمدلله انا كويسه
البوست قادم في الطريق بس انت عارف المواصلات بس طبعا انا اول ماابقي الريس انسي المواصلات دي خالص
esraa
ازيك يا اسراء
خلاص الانتخابات قربت وهااستناكي
نبيذ
مش كفايه طيب قولي اقتراحاتك عشان نزودها
تحياتي و مستنياكي و يمكن لو الاقتراحات حلوه اخليكي المستشار بتاعي
:)
اصدقك
لو كنتى الرئيس ستفعلين كل هذا
ثم ستمر عليك سنين
تستقر لكى الاحوال
ويحلو لك الكرسى
وتروق لكى السلطه
وتقتنعين انك عنوان رضا الله على الشعب
وانك مبعوثه العنايه الالهيه
وستجدين الكثيرين يقسمون لك بهذا
كثيرين من علياء القوم واكبر مثقفيها
وستقتنعين ان كل من يزاحمك على سلطتك هو خائن
كاره للشعب
ارهابى النزعة
وستؤمنين ان البطش بالمعارضين رحمة بالناس
وتخليص للامه من اسباب تاخرها
وستعود المعتقلات بامرك
ويعود التعذيب برضاكى
وسيسكرك تصفيق الماجورين
وهتافات المنافقين
والتفاف المطبلين المزمرين
و
مبارك اختنا الديكتاتورة
تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا 22 ش سوريا المهندسين..الدور ال8 ..عماره جريده الوسيط بالقرب من جامع مصطقي محمود..و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب
دوللي ، نورتي البلوج بتاعي
شكرا شكرا علي التعليق و انا رديت علي التهم الموجهه لي في التعليقات لو حابه تقريها
الكلام دايما أسهل من الفعل يا دوللى و صدقينى اللى ايده فى الميه مش زى اللى ايده فى النار
-----
لكن لو فعلا بقيت رئيس هعمل زى أيمن راسبوتين و هقدم استقالتى فورا، لأنى طموحاتى أبسط من كده بكتير
ايه يا جماعه
ايه يا هارملس ايه يا ابو ضحي
ده لو حد عنده نص ضمير هايكون رئيس كويس وبعدين مش معني اننا عايشيين دلوقتي في حاجه وحشه اننا هانعيش فيها علي طول لكن لازم برضو نكون مؤمنين ان الكويس موجود عشان نقدر نلاقيه ولما يجي نقدر نشجعه
وبالرغم من ان جمال عبد الناصر و انور السادات مكانوش احسن حكام لكن برضو ماننكرش انهم خدموا البلد وغيروا حاجات وحشه كتير
يا شعب مصر تفائلوا
البوست جميل بس فيه حاجه مش فاهمها انتى قصدك الريس متقال الله يرحمه؟
المهم كلمه لو حلوه لانها مش بتتحقق كمان مستحيل الدنيا تبقى حلةه اوى زى مانتى عاوزة تغيريها البوست جميل وفكرته حلوة اوى انا بس بهرج معاكى
و الله شكلك كده ناوية ترشحى نفسك فى الانتخابات اللى جاية
على العموم يا ستى أنا هديكى صوتى بس تبقى تخلينى النائب بتاعك
انتى عارفة أحسن حاجة ممكن نعمها ايه، إن احنا نربى الأجيال اللى جاية من وهما أطفال صغيرين على حب الجمال ،و على إن الالتزام بيجى من جوه الانسان مش عشان خايف من حد، وبكده تبقى أخلاق الناس كويسة و يلتزموا بالقوانين من غير ما تكون هناك قوانين، و يقدروا يفهموا الفنون و يحبوها و يكون ليهم احساس راقى
westtewest
اهلا بيك
اهو اي ريس و خلاص ياسيدي ماتدئئش
وبعدين انا احتمال اخلي النشيد الوطني الدنيا ربيع و الجو بديع فمستغرب ليه بقي ان الدنيا تبقي حلوه قوي كده
:)
ابو ضحي
فعلا التربيه بالطريقه دي ناقصانا وياريت الاهالي تفهم ان الحياه مش اكل و مدارس و بس
تحياتي
لا يا عم انا كدة كويس مش عايز والمهنة التانية برضو القاضي مش عايز
مفيش احلي من راحة البال
علشان اضمن اني مظلمتش حد
اقتراح:
منع كل ماهو ردئ ، بذئ ، منافي للذوق ومنحط من النفاذ الي عقلية الشعب
(كفايانا عنب ولمبي وافلام هابطه واعلانات غبيه والوان تخبل وصوت عالي وحاجات تانيه كتير)
يعني ممكن نعمل وزاره كل همها الارتقاء بذوق الشعب وغسل عقلية المواطنين من البذاءة
مصر هاتكون اجمل كتير
دعوة عامة
أدعوكم انا احمد سعيد صاحب مدونة عاوز اتجوز للمشاركة معنا فى المدونة الجديدة والتى يوف تنال اعجابكم
وأدعوكم ايضا للمشاركة معنا فى المواضيع
وجزاكم الله خيرا
www.zawage.blogspot.com
kimo 2000
انا معاك جدا و الفكره دي هااحطها من اولوياتي اول ما امسك الحكم ان شاء الله
اهم حاجه لما تبقى الريس تفتكرى انك ليكى خاله غلبانه اسمها امانى ولا ايه
مش هنستنفع منك بحاجه حتى طلعتى دكتوره علاج طبيعى مش باطنه وقلب مثلا ولا حاجه تنفع
:)))
تحياتى
على فكره موضوع الاحوال الشخصيه ده موضوع مهم هبقى اساعدك فيه كويس علشان خاطر الستات الغلابه وعلشان ياسمين تعمل اللى هى عايزاه
سهر الليالي
ايه يا اجمل خاله هو انا انساكي برضو و بعدين ربنا يبعد عنك المرض و ماتحتاجيش دوللي و لا غيرها
تحياتي
فين الجديد يا دوللي مش معقوله كل مادخل الاقي نفس البوست
الدبور
انت زعلت ولا ايه معلش اصلي فجأه حصلت في حياتي تطورات كتير فمش عارفه افكر في موضوع لما تدخل يبسطك
تحياتي
Post a Comment
Subscribe to Post Comments [Atom]
<< Home